سياسة الاستبدال والاسترجاع
راحتك وثقتك فينا مهمة بزاف. لهذا وفرنا ليك إمكانية استبدال أو استرجاع المنتجات بطريقة واضحة وبسيطة
أهم المعلومات باختصار
✓ يمكنك طلب الاستبدال أو الاسترجاع خلال 7 أيام من تاريخ التوصل بالطلب
✓ خاص المنتج يكون ما تستعملش، ما تضررش، وباقي فحالته وتغليفه الأصلي
✓ عند التوصل بمنتج متضرر أو مختلف عن الطلب، مصاريف الإرجاع كتكون علينا
✓ عند تغيير الرأي، مصاريف الإرجاع كتكون على الزبونة
✓ الأقراط قابلة للاستبدال والاسترجاع بشرط ما تكونش تستعملات
شروط قبول الطلب
باش نقبلو طلب الاستبدال أو الاسترجاع، خاص:
• يتم التواصل معنا داخل أجل 7 أيام من تاريخ التوصل بالطلب
• المنتج ما يكونش تستعمل أو تضرر
• يكون المنتج كامل ومعاه التغليف والملحقات ديالو
• ما تكونش تعرضات الساعة أو قطعة المجوهرات للخدش، الكسر أو أي استعمال ظاهر
• يتم التواصل معنا قبل إرسال المنتج / المنتجات اللي ما كتحترمش هاد الشروط ما يمكنش نقبلو استبدالها أو استرجاعها
إذا توصّلتي بمنتج متضرر أو مختلف
إلا توصّلتي بمنتج متضرر، أو بمنتج مختلف عن اللي طلبتي، تواصلي معانا على واتساب فور ملاحظة المشكل. صيفطي لينا:
• الاسم الكامل
• رقم الطلب
• صورة واضحة للمنتج
• شرح مختصر للمشكل
غادي نراجعو الطلب ونتكلفو بمصاريف الإرجاع والاستبدال إذا تأكد أن المنتج وصل متضرر أو مختلف عن الطلب.
إذا بدلتي رأيك
يمكنك طلب الاستبدال أو الاسترجاع خلال 7 أيام من تاريخ التوصل، حتى إذا غيرتي رأيك، بشرط يكون المنتج ما تستعملش وباقي فحالته الأصلية. في هاد الحالة، مصاريف إرجاع المنتج كتكون على الزبونة. وفي حالة الاستبدال، كيكون توفير المنتج البديل مرتبط بالمخزون المتوفر.
استبدال واسترجاع الأقراط
الأقراط داخلة في سياسة الاستبدال والاسترجاع، بشرط:
• ما تكونش تستعملات
• تبقى فحالها وتغليفها الأصلي
• ما تكون فيها حتى علامة ديال الاستعمال
إذا بان أن الأقراط تستعملات، ما غاديش نقدروا نقبلو طلب الاستبدال أو الاسترجاع.
طريقة طلب الاستبدال أو الاسترجاع
1. تواصلي معانا على واتساب داخل أجل 7 أيام
2. صيفطي لينا الاسم، رقم الطلب وسبب الاستبدال أو الاسترجاع
3. إلا كان المنتج متضرر أو مختلف، أرسلي لينا صور واضحة
4. انتظري تأكيدنا وتعليمات إرسال المنتج
5. من بعد ما نتوصلو بالمنتج، غادي نفحصوه ونتواصلو معاك لإخبارك بالنتيجة
مهم: المرجو عدم إرسال أي منتج قبل التواصل معنا والحصول على التأكيد.
إرجاع المبلغ
من بعد ما نتوصلو بالمنتج ونتأكدو أنه كيحترم شروط الاسترجاع، غادي يتم إرجاع المبلغ عن طريق تحويل نقدي.
كيتم إرجاع المبلغ خلال مدة أقصاها 7 أيام عمل بعد فحص المنتج وقبول طلب الاسترجاع.
غادي نتواصلو معاك باش ناخدو المعلومات الضرورية لإتمام التحويل بطريقة صحيحة.
عندك شي سؤال؟ حنا هنا ليك
إذا بغيتي تستبدلي أو ترجعي شي منتج، أو عندك شي سؤال على السياسة، تواصلي معانا مباشرة على واتساب وغادي نجاوبوك بسرعة. خدمة الزبناء متاحة كل ايام الأسبوع.